Që prej mbrëmjes së djeshme, Policia e Vlorës, ajo e Fierit, Delta Forcë dhe policia Kufitare kanë nisur një aksion pasi pikasën një gomone.
Aksioni ka nisur rreth orës 21:00, ku edhe filloi ndjekja e gomones, e cila është rreth 12 metra e gjatë me dy motorrë nga 300 kuaj fuqi secili. Nga sa bëhet e ditur gomonia është ndjekur deri në afërsi të Darzes në Fier, ku edhe më pas është braktisur nga skafistët.
Nuk dihet ende kujt i përket gomonia dhe sa persona ishin në bord. Mendohet se gomonia do të përdorej për transportimin e lëndës narkotike, por gjithsesi, grupi hetimor po punon për kapjen dhe identifikimin e pronarëve të skafit.
Shfaq Komentet (0)